Даночен обврзник

- Лице кое трајно или повремено самостојно врши стопанска дејност, независно од целите и резултатите од оваа дејност
- Обврска за задолжителна регистрација за цели на ДДВ имаат само оние даночни обврзници кои во изминатата календарска година оствариле вкупен оданочлив промет над 2.000.000 денари

Даночна стапка

Општата даночна стапка од 18% се применува врз целокупниот промет и увоз, а има и повластени даночни стапки од 10% и 5%.

Повластена даночна стапка од 5% се применува за:

- Основни производи за човечка исхрана;
- Вода за пиење од јавните системи за снабдување и одведување на урбаните отпадни води и вода за наводнување на земјоделско земјиште;
- Публикации и тоа: книги како и електронски/дигитални учебници, брошури и слични печатени материјали, весници и други периодични публикации, детски сликовници, книги како и електронски/дигитални учебници за цртање и боење за деца и картографски производи од секаков вид, освен публикации кои служат претежно за рекламни цели, како и публикации со порнографска содржина;
- Семенски и саден материјал за производство на земјоделски растенија;
- Ѓубрива;
- Средства за заштита на растенијата;
- Фолии од пластична маса за употреба во земјоделството;
- Земјоделска механизација;
- Лекови, вклучувајќи и лекови за ветеринарна медицина;
- Менструални производи;
- Машини за автоматска обработка на податоци, софтвер за машини за автоматска обработка на податоци и нивни единици (компјутери);
- Термални сончеви системи и компоненти;
- Медицинска опрема, помагала и други уреди чијашто намена е за олеснување или третирање на инвалидност исклучиво за лична употреба од страна на инвалидни лица;
- Сурово масло за производство на храна за човечка исхрана;
- Првиот промет на станбени згради и станови во оној дел во кој истите се користат за станбени цели и кој ќе се изврши во рок до пет години по изградбата;
- Добиточна храна, адитиви за добиточна храна и жив добиток;
- Бебешки производи и тоа: креветче, количка, транспортер, релаксатор, седиште за во возило, када, хранилка, цуцла, шише и пелени за бебиња;
- Училишен прибор и тоа: училишна торба (ранец), тетратка, молив, пенкало, блок, работна тетратка, боички, линијар, шестар, пластелин, острило, гума и коректор;
- Пелети, печки на пелети и котли на пелети и
- Топлинска енергија за греење.

Повластена стапка од 5% се применува и на прометот на следните услуги:

- Превоз на лица и нивниот придружен багаж; Софтвер за машини за автоматска обработка на податоци и нивни единици (компјутери);
- Услуги на сместување (ноќевање) или сместување со појадок, полупансион или полн пансион, во сите видови на комерцијални угостителски објекти
- Услуги за одржување на јавна чистота и отпремување на отпад;
- Занаетчиски услуги (поправка на чевли, велосипеди и производи од кожа, облека, постелина за домаќинство и фризерски услуги).

Повластена даночна стапка од 10% се применува за:

- Промет и увоз на електрична енергија за домаќинствата;
- Останати производи за човечка исхтана (врз кои не се применува повластена стапка од 5%);

Текст на закон

Закон за данокот на додадена вредност – неофицијален пречистен текст